Satungtung deuleu ngeplak hejo lir karpet ngampar, matak asri katingalina mawa tingtrim pikir nu tara reureuh ngamalir. Saeutik bisa ngecagkeun beban awak jeung pikiran anu teu reureuh dipake. Hiliwirna angin anu teu pacampur jeung racun pamiceunan mesin motor atawa mobil, matak betah matak jagjag kana awak, seger kana mata, tngtrm kana hate.
Mohokeun carita tina sajabaning hirup anu pinuh ku ka api-apian. Api-api ngartos padahal hanteu, api-api bahagia padahal hatena ceurik. Seeur pisan kalakuan hirupna siga peran dina film2 atanapi sinetron, Aya anu gumbira padahal jerona sedih, aya anu ngobral agama jeung kayakinan tapi can nepi kana intina tina agama atawa ajaran anu kudu jadi kayakinan, aya anu seuseurian tapi jerona pinuh ku kasedih, aya anu pinuh ku panyakit, emosional, depresi, stress, kabeh lengkep aya,,, ebreh katingali, di kritik saeutik darahna langsung naik, disabodokeun malah ceurik, ditinggalkeun kalah panik, katempo anjeun teh kurang piknik.